Џастин Бибер накратко стана уличен музичар и ги изненади минувачите пред Бакингемската палата со изведба на неколку песни за неговата нова сопруга Хејли Болдвин.
24-годишниот пејач ја отпеа неговата песна „Cold Water“ и „Fast Car“ од Трејси Чепмен додека 21-годишниот модел со телефон го документираше моментот.
„Таа таму е љубовта на мојот живот“ – рече тој во еден момент.
Џастин и Хејли склучија брак на кратка церемонија пред една недела, а се шпекулира дека наскоро ќе направат и приватна свадба.
Откако уживаше во Лондон, парот се упати на одмор во Италија.
