Џо Манганиело возврати на тврдењата на неговата поранешна сопруга дека се развеле „затоа што тој сакал да има деца, а таа не сакала да биде стара мајка“.
47-годишниот актер рече дека тоа не е воопшто точно и дека едноставно нивните патишта се разиделе.
Во јануари годинава, Софија за El País изјави:
„Мојот брак се распадна затоа што мојот сопруг беше помлад. Тој сакаше да има деца, а јас не сакав да бидам стара мајка.“
„Чувствувам дека не е фер спрема бебето. Го почитувам секој кој го прави, но тоа повеќе не е за мене“.
Пред неколку дена, во интервју за Men’s Journal, Џо ги поби тврдењата на Вергара.
„Тоа едноставно не е точно. Навистина пробувавме да имаме семејство година и половина. Имавме важен разговор во првите месеци од нашето состанување. Јас ѝ реков дека разбирам ако не сака да има повеќе деца. Ѝ се заколнав дека нема да заминам ако тоа не се случи. И не заминав“.
„Се случи затоа што две личности се разидоа и понекогаш тоа се случува“ – рекол Манганиело, фрустриран што она што се зборувало за неговиот развод влијаело на перцепциите за неговиот карактер.
„Да бидам прикажуван како да сум имал средовечна криза по девет години и да бидам претворен во некој кој дава ултиматум како: ‘Направи му го ова потенцијално нездраво нешто на твоето тело или ќе си одам’? Јас никогаш не сум бил таков“ – додал актерот.
Извор близок до Џо изјави дека тој морал да ги исклучи коментарите на некои фотографии поради бројните критики од онлајн тролови.
„Интервјуто за El País едноставно не е точно“ – рекол изворот.
Вергара и Манганиело објавија дека се разведуваат во јули 2023 година. Тие беа во брак седум години. Сега и двајцата имаат нови партнери.
