Британската пејачка Шерил Кол е прогласена за најпопуларна музичка ѕвезда за 2010 година. Убавата бринета застана на чело на листата направена од интернет пребарувачот Yahoo, притоа победувајќи ги Лејди Гага и Џастин Бибер.
Шерил Кол
Сепак, ваквиот резултат не изненадува затоа што при формирањето на листата бил земен во предвид единствено бројот на кликови кои ѕвездите ги добивале од Велика Британија.
Веднаш зад Шерил Кол е ексцентричната Лејди Гага, а на третото место на листата е тинејџерот Џастин Бибер.
Од резултатите стана јасно дека Кети Пери е четврта најпопуларна музичка ѕвезда, а Ријана го освои петтото место.
Во листата на топ 10 најпопуларни музички ѕвезди се најдоа и Бритни Спирс, Кајли Миног, Бијонсе, машкиот бенд JLS и пејачката Лили Ален.
