Моника Белучи со шармантна насмевка примамува погледи од корицата на априлското издание на Grazia Франција.
Славната 48-годишна актерка ја фрли возраста во сенка со младешки модни комбинации. Сексапилната Италијанка позираше во креации на модни куќи како Gucci, Balmain и Chanel, надополнети со луксузниот накит на Cartier.
Фотографиите се дело на Рикардо Тинели.
Списанијата очигледно го обожаваат лицето на Белучи, која се најде и на насловната страница на последното издание на Grazia Италија.
Минатата седмица Моника го посети градот на светлината за премиерата на својот нов филм „Des gens qui s'embrassent“.
