Моника Белучи мамеше погледи на доделувањето на наградата „Lumière“ во Лион, Франција.
58-годишната актерка носеше шик комбинезон од либанскиот дизајнер Ели Сааб и уште еднаш докажа дека класиката никогаш не излегува од мода. Како и секогаш, Моника со минимална шминка ја истакна својата природна убавина.
На настанот, атрактивната Италијанка му ја додели наградата на овогодишниот добитник, режисерот Тим Бартон. Тие седеа во публиката еден покрај друг пред да се појават на сцената.
