Неколку часа пред почетокот на 2014 година, Кејли Куоко го изговори судбоносното „Да“. Ѕвездата од серијата „The Big Bang Theory“ и тенисерот Рајан Свитинг се венчаа пред околу 150 гости во Калифорнија.
28-годишната актерка носеше розова балска венчаница од Вера Ванг со рачно шиени детали од чипка.
Интересен дел од големата забава била свадбената торта, која била направена така што да виси наопаку на голем лустер.
Кејли и Рајан се во врска шест месеци, а пред три месеци објавија дека планираат да ја крунисаат својата љубов со брак.
