ФОТО: Кајли Џенер со тексас фустан со синчето и ќеркичката на одмор во Рим

Кајли Џенер ги стави на пауза своите професионални ангажмани и со децата отпатува во Италија.

26-годишната риалити ѕвезда беше фотографирана на прошетка во Рим со 2-годишниот Ер и 6-годишната Сторми. Таа носеше тексас миди фустан од Marni и апостолки. Заедно со неа беше и нејзината пријателка Анастасија.

Тие заедно ручаа во ресторанот „Nino“.

Во групата го немаше момчето на Кајли, Тимоти Шаламе, кој во моментов снима филм за Боб Дилан во Њујорк.

Кајли ги доби двете деца додека беше во врска со раперот Тревис Скот.

Пред неколку дена, Кајли ја претстави својата летна колекција, но многумина ја обвинија дека поставува нереални стандарди за убавина.