ФОТО: Добитниците на „Златен глобус 2014“

Најдобрите во филмската и телевизиската индустрија се закитија со наградите „Златен глобус“. Свечената манифестација по повод доделувањето на златните глобуси се одржа во Беверли Хилс, Калифорнија.

„American Hustle“ беше големиот победник на вечерта. Филмскиот хит на Дејвид О. Расел ги победи „Her“, „Inside Llewyn Davis“, „Nebraska“ и „The Wolf of Wall Street“ во трката за наградата Најдобар мјузикл/комедија.

За улогите во „American Hustle“, Ејми Адамс ја освои наградата Најдобра актерка во мјузикл/комедија, додека Џенифер Лоренс ја доби наградата Најдобра актерка во споредна улога.

Ејми Адамс

Џенифер Лоренс

Во рацете на Леонардо Дикаприо замина наградата Најдобар актер во мјузикл/комедија за филмот „The Wolf of Wall Street“. Додека им се заблагодаруваше на своите соработници, пријатели и на семејството, 39-годишниот актер се пошегува дека никогаш не ни помислувал дека ќе добие награда за најдобар актер за комедија.

Леонардо Дикаприо

„12 Years a Slave“ имаше седум номинации, но победи само во категоријата Најдобра драма.

„Dallas Buyers Club“ на Метју Меконахи му ја донесе наградата Најдобар актер во драма, додека за улогата во истиот филм Џаред Лето беше прогласен за Најдобар актер во споредна улога.

Метју Меконахи

За филмот „Blue Jasmine“ Кејт Бланшет ја доби наградата Најдобра актерка во драма.

Кејт Бланшет

За време на тричасовната церемонија, Алфонсо Куарон беше прогласен за Најдобар режисер, за хитот „Gravity“.

Музичкиот бенд U2 си замина со наградата за Најдобра оригинална песна за „Ordinary Love“, напишана за филмот „Mandela: Long Walk to Freedom“.

Рок бендот U2

„Brooklyn Nine-Nine“ доби признание за Најдобра ТВ серија во категоријата комедија/мјузикл, а за Најдобра ТВ драма беше прогласена „Breaking Bad“.

Брајан Кренстон победи во категоријата Најдобар актер во ТВ драма („Breaking Bad“), додека кај Робин Рајт заврши наградата Најдобра актерка во ТВ драма („House of Cards“).

Брајан Кренстон