Викторија Бекам позира со тијара на главата во када полна со пена за насловната страна на септемвриското издание на „Glamour“. Но, успешната модна дизајнерка не беше само модел за новото издание на списанието, туку се покажа и во улога на модна уредничка.
38-годишната сопруга на Дејвид Бекам беше поканета да помогне во подготовката на списанието, а таа со задоволство се вклучи и повеќе отколку што некој очекувал. По нејзина идеја во списанието бил вклучен едиторијал со Лили Колинс, а исто така направила и модна сторија за британскиот бенд „The Wanted“.
Во интервјуто таа проговорила за тоа зошто не се смее, за плановите за уште едно дете и за еротскиот роман „Fifty Shades of Grey“.
За отсуството на насмевка на нејзиното лице: „Знаете што, не знам зошто. Всушност, порано многу се смеев на фотографии. Мислам дека престанав да се смеам кога влегов во модата. Модата ја украде мојата насмевка! Ја создадов оваа личност и не велам дека тоа не сум јас, но не би рекла дека тоа е сè од мене... Тоа е штит кој се крева.“
За нејзината мајка и читањето на „Fifty Shades of Grey“: „Ја купив книгата и за мајка ми. Но, секогаш кога ќе се обиде да разговара со мене за тоа, јас ја одбегнувам темата. Не сакам да разговарам со мајка ми за S&M.“
За идејата за петто дете: „Никогаш не би рекла никогаш за уште едно бебе.“
Погледнете ја Викторија во улогата на модна уредничка и модел:
