Вчера на интернет се појави насловната страница на февруарското издание на „GQ“ на која позира Бијонсе во гаќички и кратка маичка. Фотографијата молскавично се распространи и предизвика голем интерес, па уредниците на списанието одлучија да ги почестат љубопитните фанови со повеќе фотографии, и тоа порано од планираното.
„Ја прогласивме за број 1 најжешка жена на 21. век. Ви треба доказ? Еве зошто...“ – пишуваат уредниците на списанието.
За фотографиите Бијонсе позира во минимална дизајнерска облека, покажувајќи ги своите облини. Провокативната фотосесија е дело на славниот фотограф Тери Ричардсон.
Спортските вибрации на фотосесијата не се изненадување ако се земе предвид фактот дека 31-годишната музичка ѕвезда наскоро планира голем настап на полувремето на Super Bowl.
„Една од причините поради кои се поврзав со Super Bowl е тоа што им пристапувам на моите настапи како спортист. Знаете како тие седнуваат и гледаат со кого ќе играат и се проучуваат себеси? Така правам и јас. Ги гледам моите настапи и посакувам да можам да уживам во нив, но го гледам светлото кое задоцнило. Си велам Ох, Господе таа фризура не ми помага или си велам: Никогаш повторно не треба да го правам тоа. Се обидувам да се усовршам. Сакам да растам“ – изјавила таа во интервју за списанието.
Покрај настапот на Super Bowl, наредниот месец Бијонсе ќе објави документарен филм за себе и за своето семејство, а наскоро планира турнеја за новиот албум кој треба да се појави на почетокот на април. Многумина би рекле дека Бијонсе е незапирлива. И нема да се далеку од вистината.
„Работев многу напорно во детството за да ја постигнам следнава цел: Да можам да правам што сакам до моментот кога ќе наполнам 30 години. Го постигнав тоа. Многу сум среќна што сум во оваа позиција. Но, жртвував многу нешта и работев понапорно од веројатно сите што ги познавам, барем во музичката индустрија. Па, морам да се потсетувам дека го заслужувам ова“ – вели таа.
Бијонсе е свесна за огромниот успех кој го има постигнато, но и за тоа колку е влијателна. „Го знам тоа, да, јас сум моќна. Јас сум помоќна од тоа што може мојот мозок да смисли и разбере“ – рекла таа.
