Камерон Дијаз објави фотографија на која го покажува своето лице во природно издание. На фотографијата 41-годишната актерка гордо позира со својата прва книга „The Body Book“.
„Ја напишав оваа книга за вас и за вашето тело и многу сум возбудена што ќе ја споделам со вас“ – напиша таа на Instagram.
Во книгата филмската ѕвезда се фокусира на најдобрите начини на кои може да се нахрани и одржува телото. Нејзината цел е жените да прекинат да се трудат да бидат слаби и да се насочат кон здрав живот за здрав изглед. Освен тоа, книгата ќе содржи и совети од нејзини славни пријателки, меѓу кои Дру Баримор, Гвинет Палтроу и Џенифер Лопез.
