Мери-Кејт Олсен има нов маж во својот живот. 25-годишната дизајнерка е во врска со Оливие Саркози, полубратот на поранешниот француски претседател Никола Саркози.
Оливие и Мери-Кејт
Според извори на „Us Weekly“, младата дизајнерка е заљубена до уши и воопшто не ја смета за пречка големата разлика во годините. „Точно е, во врска се и таа дефинитивно е заинтересирана за него. Мери-Кејт постојано се жалеше за момците затоа што не се доволно зрели. Не ја интересираат деца“ – изјавил близок на познатата близначка.
Заљубениот пар бил виден во неколку прилики. Но, додека тие уживаат, не се сите така среќни за нивната врска. Според „Daily Mail“, поранешната сопруга на Оливие, Шарлот Саркози, смета дека врската на Мери-Кејт и Оливие е чудна. Таа дури и изјавила дека не сака двете деца кои ги има од 13-годишниот брак со Оливие да се сретнуваат со актерката која се прослави како дете со серијата „Full House“.
Оливие со поранешната сопруга
Мери-Кејт и нејзината сестра близначка Ешли Олсен неодамна ја добија престижната награда Најдобар дизајнер на женска облека за нивниот луксузен моден бренд „The Row“.
Ешли и Мери-Кејт Олсен (Мери-Кејт пред неколку дена стана бринета)
