Анџелина Џоли е актерката со најголема заработувачка во Холивуд. Според Forbes, шармантната бринета го зголемила своето богатство за 33 милиони долари во периодот од јуни 2012 до јуни 2013 година.
38-годишната свршеница на Бред Пит сè уште е една од најбараните актерки и соодветно добива и најдебели чекови. За најновиот филмски проект на Дизни, „Maleficent“, кој ќе ја доживее својата премиера следната година, Џоли добила 15 милиони долари. Во меѓувреме таа се докажа и во улогата на режисерка со филмот „In The Land of Blood and Honey“.
Погледнете кои се најплатените актерки во филмската индустрија и колкава е нивната заработувачка:
1. Анџелина Џоли
Заработка: 33 милиони долари
2. Џенифер Лоренс
Заработка: 26 милиони долари
На второто место на листата на најплатени актерки е Џенифер Лоренс, која годнава се закити и со Оскар за најдобра актерка за филмот „Silver Linings Playbook“.
22-годишната ѕвезда од „The Hunger Games“ во изминативе година дена заработила 26 милиони долари.
3. Кристен Стјуарт
Заработка: 22 милиони долари
Кристен Стјуарт минатата година беше на врвот на листата со заработка од 34,5 милиони долари, благодарение на „Twilight“. Но, оваа година е на третото место со заработени 22 милиони долари.
4. Џенифер Анистон
Заработка: 20 милиони долари
Џенифер Анистон застана на четвртото место со 20 милиони долари, кои дојдоа на нејзината сметка поради филмовите „Horrible Bosses“ и „We're the Millers“, како и договорите со „Vitamin Water“ и компанијата за нега на кожа „Aveeno“.
5. Ема Стоун
Заработка: 16 милиони долари
6. Шарлиз Терон
Заработка: 15 милиони долари
7. Сандра Булок
Заработка: 14 милиони долари
8. Натали Портман
Заработка: 14 милиони долари
9. Мила Кунис
Заработка: 11 милиони долари
10. Џулија Робертс
Заработка: 11 милиони долари
