Само 11 месеци по раѓањето на првото дете, принцот Карл Филип и принцезата Софија објавија дека повторно ќе станат родители. Нивното синче Александар се роди на 19 април минатата година.
Веста дека 32-годишната избраничка на згодниот принц е повторно во блажена состојба, беше објавена на Twitter профилот на шведското кралско семејство.
„Принцот Карл Филип и принцезата Софија го очекуваат нивното второ дете. Братчето или сестричето на принцот Александар треба да се роди во септември“ – стои во соопштението заедно од фотографија од среќниот пар со синчето.
Prince Carl Philip and Princess Sofia are expecting their second child. The brother or sister for Prince Alexander is due in September. pic.twitter.com/wBSC4kTp2H
— Swedish Royal F News (@Kungafamiljen) March 23, 2017
Софија и Филип стапија во брак во јуни 2015 година.
