По битката со ракот и примањето на хемотерапиите, принцезата Кетрин повторно беше домаќинка на божиќна служба во Вестминстерската опатија.
42-годишната принцеза од Велс изгледаше елегантно во долго црвено палто со црна панделка од Александар Меквин.
Таа беше придружувана од принцот Вилијам и од трите деца – принцот Џорџ, принцезата Шарлот и принцот Луи. Дечињата во рацете држеа напишани пораки кои ги поставија на голема новогодишна елка.
Шарлот носеше палто слично на она на мајка си, додека Џорџ и Луи беа облечени како татко им Вилијам.
Во март, Кетрин сподели дека има рак и дека започнува лекување со хемотерапии како превентивна метода за спречување на ширење на болеста. Во септември, таа стави крај на тоа лошо поглавје.
„Како што наближува крајот на летото, не можам да ви кажам колкаво олеснување е што конечно ја завршив хемотерапијата.Последниве 9 месеци беа неверојатно тешки за нас како семејство.Ракот е комплексно, страшно и непредвидливо патување за сите, а особено за оние кои ви се најблиски“ – напиша таа во пораката.
