Оскаровецот Роџер Дикинс е еден од специјалните гости на 39. издание на ИФФК „Браќа Манаки“. На свеченоста во Битола, 69-годишниот кинематографер беше придружуван од неговата сопруга Изабела Џејмс Елис, со која е во брак 27 години.
На манифестацијата, нему му беше доделена почесната награда Златна камера 300 за животен опус.
Роџер оваа година стана добитник на Оскар за најдобра камера за филмот „Blade Runner 2049“, кој во негова чест ќе биде прикажан на првиот ден од Фестивалот.
Џејмс Елис и самата плива во водите на филмската индустрија. Нејзината професија е супервизор на сценарио и неретко соработува со својот сопруг.
Дикинс има импресивна кариера. Негов потпис како кинематографер стои на врвни филмови како „Skyfall“, „The Shawshank Redemption“, „No Country for Old Men“, „Blade Runner 2049“, „Fargo“ и „The Big Lebowski“.
Во својата кариера, познатиот филски уметник се има закитено со 115 најразлични светски филмски награди и има 148 номинации.
