Моника Белучи и Винсент Касел одлучија да се разделат. Славниот пар кој беше во брак 14 години потврди дека се разведува.
Италијанската убавица и францускиот актер се запознаа за време на снимањето на филмот „The Apartment“ во 1996 година, а стапија во брак три години подоцна. Тие се родители на две ќерки, 9-годишната Дева и 3-годишната Леони.
Пред неколку месеци Белучи како да најави дека има проблеми во бракот. „Никогаш не можеме да знаеме колку ќе трае. Денес сè e во ред, но по една година... не знам“ – рекла таа.
