Моника Белучи со двете ќерки и бившиот сопруг на снимањето на кампања во Италија

Моника Белучи и нејзината ќерка Дева ги имаат главните улоги во новата кампања на Долче и Габана.

55-годишната актерка беше фотографирана на снимањето на рекламата покрај езерото Комо во Италија. Папараците ја уловија италијанската дива заедно со 15-годишната ќерка Дева, 10-годишната ќерка Леони и бившиот сопруг Винсент Касел, кој е татко на девојчињата.

На фотографиите, Моника носи елегантен зелен фустан, додека Дева позира во краток бел фустан.

Кога и да се фотографирани заедно, фановите на Моника ја коментираат сличноста во изгледот со нејзината ќерка Дева.

Белучи беше видена и на шопинг заедно со помалата ќерка Леони.

Винсент и Моника се разделија во 2013 година.