Вини Харлоу ја освои модната индустрија со својот уникатен изглед. Наместо да ги сокрива белите дамки по кожата кои се резултат на витилиго, таа ги истакнува, инспирирајќи притоа безброј жени.
Најновата објава на 23-годишниот модел вклучува фотографија на која таа гордо го покажува своето тело и кратката порака: „Вистинската разлика не е мојата кожа, туку фактот што јас не ја пронаоѓам мојата убавина во мислењата на другите. Јас сум убава затоа што го знам тоа. Славете ја Вашата уникатна убавина денес (и секој ден).“
Вини, која била исмејувана додека растела и навредувана со прекари како „крава“ и „зебра“ редовно истакнува дека секој е убав на свој уникатен начин. „Луѓето, како цвеќињата, доаѓаат во многу варијации – боја, висина и големина. Ниту една од тие разлики не го прави едно цвеќе или едно лице подобро или поубаво. Токму разликите нè прават сите нас убави.“
