Моделот Бјанка Балти ја покажа избричената глава додека прима хемотерапија поради рак на јајници

Иако се соочува со бројни здравствени предизвици, Бјанка Балти не ја симнува насмевката од лицето.

40-годишната манекенка, која пред три месеци откри дека има рак на јајници во трет стадиум, сега со позитивност балансира меѓу семејството, работата и хемотерапиите. Таа ја покажа ќелавата глава која си ја избричи за време на тешките третмани во борбата со лошата болест.

Бјанка помина 48 часа со екипата од ТВ емисија „Le Iene“. Тие ја придружуваа убавата Италијанка во болница каде примаше хемотерапија.

Во едно од своите видеа откри дека е на половина од хемотерапиите.

@baltibianca Officially halfway through#chemoqueen ♬ I Am (feat. Flo Milli) - Baby Tate

Балти дозна дека има рак во септември оваа година и сподели порака со надеж дека ќе успее да се избори со болеста.

Минатата недела, отидов на доктор и открив дека мојата болка во долниот дел од стомакот е рак на јајниците во трет стадиум. Оваа седмица беше полна со страв, болка, солзи, но најмногу љубов, надеж, смеа и сила.

Имам долго патување пред мене, но знам дека ќе го победам ова. За мене, за моите најсакани (ќерките ми се на врвот на листата), и за сите вас на кои ви треба сила, можете да позајмите дел од мојата, бидејќи имам многу.

Животот се случува, дајте му причина. Засега, ракот ми даде шанса да најдам убавина низ животните предизвици.

Во 2022 година, Балти откри дека го носи мутираниот ген BRCA1, кој значително го зголемува ризикот за развој на рак на дојки и јајници. Тогаш, таа направи превентивна операција за отстранување на градите.

На TikTok, Бјанка постојано објавува видеа од кратењето на нејзината коса.