Германија ги менува правилата за избор на мисица. Не само што организаторите дозволија да се натпреваруваат мајки, туку и ја зголемија возрасната граница за 10 години.
Под мотото „Зајакнување на автентичните жени“, за првпат мажени жени и мајки, како и дами од 18 до 39 години, имаа можност да учествуваат во трката за круната, а исто така, немаше сегмент на претставување во бикини. Жири-комисијата беше составена од 6 жени.
Леони фон Хасе победи на изборот. 35-годишната самохрана мајка се истакна меѓу 16-те кандидатки.
„Веќе долго време жените не се заинтересирани да се стремат кон конвенционални стандарди за убавина. Мојата перцепција за 'убава' жена е силата, карактерот и автентичноста со кои зрачи таа“ - изјави Леони.
За време на крунисувањето, Леони носеше црн костум, што е невообичаено, бидејќи досегашната стандардна слика за мисица вклучуваше гламурозен фустан.
Леони е сопственичка на онлајн продавница за винтиџ мода.
