Марија Шерифовиќ со стара и нова фотографија го одбележа денот на Христовото раѓање.
40-годишната српска пејачка објави една фотографија од нејзиното детство и една на која позира со едногодишниот син Марио. Таа напиша порака во која сподели што значел Божиќ за неа кога била малечка, а што значи сега.
Марија се наврати на лекциите кои ги научи низ годините и напиша дека секој ден треба да се живее како да е Божиќ – смирено, храбро и со љубов.
За малата Марија, Божиќ беше ден кога вратите од домот беа отворени, а родителите секогаш тука. Ден кога подароците беа едноставни, но полни со љубов – нови пижами, меки чорапи и секој подарок со насмевка. Ден кога мајка приготвуваше храна како од соништата. Ден кога зборовите беа тивки, а кавгите непознати. Ден кога во домот владееше спокој. Ден каде единствената вистинска сила беше љубовта.
За мајката Марија, Божиќ е ден кога времето запира, ден кога не се работи. Минатиот Божиќ, Марио имаше само еден месец, а јас тивко го молев Бог сите улоги што ми ги носи животот да ги играм со љубов и мудрост. И сега, кога гледам наназад, со гордост можам да речам дека ја прифатив секоја лекција и ја совладав секоја промена посилна и помудра отколку што мислев дека ќе бидам.
Всушност, ми се чини дека најважно од сè е секој ден да се однесуваме како на денешниот ден. Да сакаме еднакво, да опростуваме и да сонуваме еднакво. Да бидеме тивки и полни со зборови. Да бидеме храбри и полни со сочувство. Тука е единствено спасот – секој ден, како денес!
Мир Божји.
Христос се роди.
За Нова година, Марија сподели фотографија со синот кој го доби со помош на сурогат-мајка во декември 2023 година.
