Роксана Стојанов слободно може да се пофали со уште еден огромен успех.
Талентираната балерина со македонско потекло беше избрана за нова ѕвезда и една од главните балерини во Париската национална опера.
Оваа вест беше објавена по завршувањето на балетската претстава „Пакита“, во која Роксана ја имаше главната улога.
„Немам зборови за да ги опишам емоциите што ме обземаат од таа вечер на 28 декември. Изненадување, солзи, радост, благодарност, љубов, соништа, исполнетост, гордост… Тоа е сосема неописливо, но тоа е вечер што нема да ја заборавам!“
„Ви благодарам на сите за пораките за поддршка и честитките, исполнета сум со љубов“ – напиша Роксана, пресреќна со својата нова титула.
Роксана е родена во Македонија во 1995 година, а на 8-годишна возраст ја напушти родната земја и се впушти во поход за остварување на своите соништа да стане врвна балерина.
Видео:
Фотографии: Роксана Стојанов / Instagram.
