Денес, принцезата Кетрин го слави својот 43-ти роденден.
По тој повод, принцот Вилијам објави топла честитка за својата сакана сопруга, заедно со фотографија на која таа позира насмеана.
„До најневеројатната сопруга и мајка. Силата која ја покажа во изминатата година е извонредна. Џорџ, Шарлот, Луј и јас сме многу горди на тебе. Среќен роденден Кетрин. Те сакаме“ – стои во пораката.
Кетрин доби честитка и од кралот Чарлс и кралицата Камила. На официјалниот профил на кралското семејство беше објавена фотографија од Кетрин со пораката: „Среќен роденден на принцезата од Велс“.
Голем дел од 2024 година Кетрин го помина во борба со ракот. Во јануари, нејзе ѝ беше направена операција на стомакот, по што беше дијагностицирана страшната болест.
Во септември, таа објави дека заврши со примањето на хемотерапијата.
