Кетрин Зета-Џонс и Мајкл Даглас имаат роденден на ист датум од годината.
55-годишната актерка и 80-годишниот актер со стари фотографии си го честитаа овој специјален ден, а Кетрин се соблече гола, објаснувајќи дека тоа е роденденскиот подарок за Мајкл.
Таа сподели фотографија од нивниот заеднички роденден пред 25 години, а во описот напиша:
„Среќен роденден на Мајкл и мене. Ова беше на нашиот роденден пред 25 години. Те сакам со целото мое срце“.
Подоцна, холивудската актерка објави фотографија на која позира сосема гола.
„Во мојот роденденски костим. По 25 години споделување на истиот роденден со сопругот, останав без идеи за подарок. Ова е опција број два, а топчиња за голф се опција број еден... се разбира“ – се пошегува таа во описот.
Мајкл пак на својот Instagram профил ја нарече Кетрин „сестра по роденден“.
„Те сакам со целото мое срце. Нека претстојната година ти биде најдобра“ – напиша тој.
Парот стапи во брак во 2000 година. Тие заедно имаат две деца – ќерката Карис и синот Дилан.
