Кетрин Зета-Џонс и Мајкл Даглас беа меѓу стотиците холивудски ѕвезди кои не го пропуштија овогодишното доделување на наградите Златен Глобус.
На црвениот тепих, 49-годишната актерка зачекори во смарагдно-зелена креација од високата мода на либанскиот дизајнер Ели Сааб. Својот стилски избор, таа го надополни со смарагден накит од Лорејн Шварц и златни сандали од Кристијан Лобутин.
Даглас ја освои статуетката за Најдобар актер во телевизиска серија – мјузикл или комедија, за својата улога во „The Kominsky Method“.
Кетрин се појави на сцената со Антонио Бандерас, со кого глумеше во култниот филм „Маската на Зоро“, и заедно ја доделија наградата за Најдобар филм од неанглиско говорно подрачје.
