Првата дама на Франција роди ќерка. Ова е прво заедничко дете на Карла Бруни и Никола Саркози.
Карла Бруни-Саркози и Никола Саркози
Во интервју направено пред породувањето, 43-годишната Бруни призна дека не го знаат полот на бебето и дека сакаат да биде изненадување. Сè уште не се знае името на малото девојче.
Според неофицијални извори, Саркози поминал само половина час со својата сопруга пред повторно да им се врати на претседателските должности.
Во неколку наврати Карла истакнала дека сака да го зачува нивниот приватен живот што подалеку од очите на јавноста, а во едно интервју дури и отишла во крајност, велејќи дека никогаш нема да дозволи објавување на фотографии од нивното дете.
Карла стапи во брак со 56-годишниот лидер на Франција во февруари 2008 година. Таа има 10-годишен син од претходна врска, а Саркози има три деца од претходните два брака.
