Џиџи и Бела Хадид го освоија модниот свет и станаа едни од најбараните модели, а кратко време подоцна, ним им се придружи и нивниот брат Анвар.
Додека славното трио ги краси модните списанија и ревиите на популарните брендови, запознајте ги нивните полусестри Алана и Мариел Хадид.
Слободно може да се каже дека сите членови на нивното семејство се љубители на модата, бидејќи Алана е стилистка и има неколку свои модни колекции. Покрај облека, таа дизајнира и очила и заедно со нивниот татко Мохамед, стои зад брендот Hadid Eyewear.
„Сметам дека целата моја фамилија ја сака модата, бидејќи таму има многу нешта со кои можеш да експериментираш. Не постојат граници. Сметам дека сите ние сме креативци, секој на свој начин“ – вели 32-годишната Алана.
Мариел е највозрасната сестра. Таа има 37 години и е мајка на две деца.
Тие се крвно поврзани преку нивниот татко Мохамед. Алана и Мариел се плод на неговата љубов со првата сопруга Мери Батлер, додека Џиџи, Бела и Анвар, Мохамед ги имаше со втората сопруга Јоланда Фостер.
69-годишниот милионер сега е верен со 36-годишната Шива Сафаи.
