Славни модели дефилираа на вчерашната ревија на Moschino, која се одржа во рамките на Миланската модна недела.
Ирина Шајк, сестрите Џиџи и Бела Хадид и Каја Гербер доминираа на пистата на која се презентираа моделите од колекцијата есен/зима 2020-2021 на луксузниот италијански моден бренд.
Дизајнерот Џереми Скот црпел инспирација од Француската револуција и кралицата Марија Антоанета. Името на колекцијата „Let them eat Moschino“ е инспирирано од нејзината прочуена фраза „Ако народот нема леб, нека јаде колачи“ (Let them eat brioche).
