Синоќа, во Лос Анџелес се собраа најуспешните личности во филмската индустрија за годината која измина на 23. по ред доделување на SAG (Screen Actors Guild) наградите.
Наградата за Најдобра актерка во главна улога очекувано заврши во рацете на Ема Стоун за филмот „La La Land“, додека големо изненадување беше наградувањето на Дензел Вашингтон со статуетката за Најдобар актер во главна улога за филмот „Fences“.
Ема Стоун
Дензел Вашингтон
„Fences“ ѝ ја донесе и на Виола Дејвис наградата за Најдобра актерка во споредна улога, додека Махершала Али беше прогласен за Најдобар актер во споредна улога за изведбата во филмот „Moonlight“.
Виола Дејвис
Махершала Али
Биографската драма „Hidden Figures“ ги победи своите конкуренти „Captain Fantastic“, „Fences“, „Manchester By The Sea“ и „Moonlight“ во категоријата Извонредна изведба на филмска екипа.
Актерките од „Hidden Figures“
Екипата од серијата „Stranger Things“ победи во категоријата Најдобра екипа во драмска серија, додека за Најдобра екипа во серија комедија беше избрана екипата на „Orange Is The New Black“.
Екипата на „Stranger Things“
Екипата на „Orange Is The New Black“
Најдобар актер во драмска серија стана Џон Литгоу за „The Crown“, Најдобра актерка во драмска серија е Клер Фој исто така за „The Crown“, за Најдобар актер во серија комедија беше прогласен Вилијам Х. Мејси за „Shameless“, додека Џулија Луис-Дрејфус ја присвои статуетката за Најдобра актерка во серија комедија за „Veep“.
Џон Литгоу
Клер Фој
Вилијам Х. Мејси
Џулија Луис-Дрејфус
Најдобар актер во мини-серија или ТВ игран филм е Брајан Кренстон, додека Најдобра актерка во мини-серија или ТВ игран филм е Сара Полсон.
Брајан Кренстон
Сара Полсон
SAG Awards често навестуваат кој ќе ги освои оскаровските статуетки.
Целосната листа на победници можете да ја најдете тука.
