Кога во мај минатата година на интернет се распространија фотографии од раперот 50 Cent на кои тој изгледаше како скелет, многумина се сомневаа во нивната автентичност.
Познатиот рапер тогаш ослабел 24 килограми за да може во новиот филм најдобро да ја долови улогата на спортист кој боледува од рак.
Денес се појави првиот неофицијален трејлер за филмот „Things Fall Apart“. Во видеото може да се види шокантно слабата фигура на 35–годишниот музичар кој доста сериозно гради кариера во филмската индустрија.
Минатата година тој изјави дека овој филм му е многу важен и дека е посветен на негов пријател кој починал од рак. „Мотивација за проектот беше мојот пријател, Чарлс Прингл. Тој живееше спроти мојата куќа, тој почина од рак“ – споделил 50 Cent.
Со помош на течна диета и секојдневно 3-часовно вежбање на стационарна лента за трчање, славниот рапер успеал своите 97 килограми да ги стопи до 72,5 за 9 недели.
Фотографија од 50 Cent објавена минатата година
„Гладував“ – изјави тогаш 50 Cent, кој вети дека за брзо време ќе се врати во форма. И навистина го направи тоа.
Фотографија од 50 Cent објавена минатата година
