Денес на YouTube е објавен првиот трејлер за долгочекуваниот македонски филм „Трето полувреме“. Филмското дело на режисерот Дарко Митревски е базирано на вистински настани.
Филмот, кој се снимаше на повеќе локации низ Македонија, следи љубовна приказна, ги опишува почетоците на македонскиот фудбал и раскажува за судбината на Евреите во
Главните улоги на Коста и Ребека ги толкуваат Сашко Коцев и манекенката Катарина Ивановска. Во останатите улоги ќе ги видиме и Рихард Замел, Раде Шербеџија, Емил Рубен, Митко С. Апостоловски, Тони Михајловски, Бедија Беговска, Игор Стојчевски, Верица Недеска-Трајкова, Петар Арсовски, Милан Тоциновски, Аксел Мехмед, Ивица Димитриевиќ, Оливер Митковски, Димитар Доксевски, Игор Ангелов и Гораст Цветковски.
Владата на Република Македонија го прогласи „Трето полувреме“ за филм од национален интерес и го финансираше со еден милион евра. Вкупниот буџет за филмот е 2.150.000 евра.
