И покрај милионите обожаватели на „The Twilight Saga's Eclipse“ и „The Last Airbender“, овие два филма добија по 9 номинации за „Златна малина“, вклучително и номинација за Најлош филм.
Во екот на сезоната на наградите во светот на филмската индустрија, номинациите за „Златна малина“ се единствените каде што актерите се надеваат да не биде прочитано нивното име. Сепак, некој мора да ги добие и овие награди.
Па така, освен „Eclipse“ и „The Last Airbender“, за наградата Најлош филм се номинирани и „The Bounty Hunter“, „Sex and the City 2“ и „Vampires Suck“.
Џенифер Анистон е номинирана за Најлоша актерка, заедно со Мајли Сајрус, Меган Фокс, Кристен Стјуарт и четирите хероини од „Sex and the City 2“.
Од друга страна, наградата за Најлош актер може да ја добие Роберт Патинсон, Џерард Батлер, Ештон Качер, Тејлор Лотнер или Џек Блек.
Актерските екипи на „Sex and the City 2“, „The Twilight Saga's Eclipse“ и „The Last Airbender“ се номинирани и за наградата Најлош пар или екипа од екраните.
