Три деца се доволни за Томас Бити, човекот кој е познат како „првиот бремен маж“. Во ексклузивно интервју за емисијата „The Doctors“, Томас изјавил дека по раѓањето на третото дете не планира проширување на семејството и дека ќе се подложи на операција на отстранување на матката (хистеректомија).
Томас Бити со сопругата и едното дете
Томас бил роден како жена, Трејси Лагондино, на Хаваи во 1974 година, но отсекогаш се чувствувал како маж. Кога бил во 20-тите години од животот започнал да прима инјекции со тестостерон за да му израснат влакна на лицето и да му се промени гласот. Бити законски станал маж во 2002 година, но си направил само половична промена на полот, т.е. си ги зачувал репродуктивните органи за да може да има деца со својата неплодна сопруга.
Томас со своето семејство
Веста за неговата прва бременост светкавично се разнесе низ цел свет, а Томас беше нарекуван првиот бремен маж. Сега Томас и неговата сопруга Ненси имаат три деца – Сузан, Остин и Џенсен.
Лево: Томас и Ненси. Десно: Томас и Џенсен.
Сите три деца биле доени од Ненси, затоа што Томас си ги отстранил женските гради за време на процедурите за промена на полот.
Нетрадиционалното семејство денес ќе гостува во популарната емисија за да дискутира за тешкотиите и предрасудите со кои се соочувале.
