Пивара Скопје стартува со иницијатива за поддршка на угостителството, кое е меѓу најпогодените сектори од глобалната пандемија. Под мотото „Бевте тука за нас, сега ние за вас“ им помагаме на нашите партнери за полесно да се справат со новите промени и услови во кои се најдоа поради мерките за спречување на ширењето на COVID-19.
За таа цел, преку он-лајн платформата Grouper.mk, граѓаните на едноставен начин, со купување на ваучери ќе можат да го поддржат својот омилен ресторан, кафеана и кафе бар. Купениот ваучер ќе може да го искористат кога објектите ќе бидат повторно отворени.
Сега е моментот да покажеме дека сме солидарни и преку купувањето ваучери да помогнеме на што поголем број угостителски објекти и да придонесеме за позитивни промени.
Сите кои сакаат да се приклучат кон иницијативата на Пивара Скопје во партнерство со Grouper.mk и да купат ваучер, можат тоа да го направат на следниот линк: https://grouper.mk/tag/razveseli-kafana
