Тамара Стојковска ја објави својата нова песна „Не е до мене“, која ќе ве разигра од првото слушање.
Песната и видеозаписот на пејачката од Битола ја доловуваат слободата која ја чувствуваме кога ќе ставиме крај на токсичните врски и навики.
„Пораката што ја носи песната ја реализиравме со видео спот во кој има 17 учесници и е сниман на повеќе локации. Идејата беше да ја доловиме таа позитивна енергија и чувство на слобода кога ќе завршиш токсични другарства, врска со партнер, и навики и сфаќаш дека не си бил/а причината што нешто не функционира. Сме биле сите таму, нели?“ – вели Тамара.
Текстот на „Не е до мене“ е дело на Тамара и Коста Хаџикојчев, кој се погрижи и за музиката и аранжманот.
