Авичи продолжува да живее преку неговата музика. Денес, постхумно беше објавена нова песна на шведскиот диџеј кој пред една година си го одзеде животот во Оман.
„SOS“ е снимена во соработка со пејачот Алое Блек. Во видеото се прикажуваат коментари кои фановите ги напишале за Авичи по неговата смрт.
„SOS“ ќе биде дел од постхумниот албум на Авичи, насловен „Tim“, кој ќе биде пуштен во продажба во јуни.
Ненадејната и прерана смрт на Авичи го потресе светот пред точно една година. Тој се соочуваше со здравствени проблеми, предизвикани од консумацијата на алкохол.
Авичи потпишува многу светски хитови, меѓу кои „Levels“, „Hey Brother“, „You Make Me“ и „Wake Me Up“.
