Вера Ванг не игра на сигурно кога станува збор за невестинските фустани. Познатата „кралица на венчаниците“ веќе има претставено целосно црвени и црни невестински фустани, па новата колекција во која покрај белата ѕирка и црната боја не е нешто невообичаено за неа.
Колекцијата пролет 2014 Ванг ја презентираше за време на Невестинската недела во Њујорк. Елегантни фустани со силуета на сирена и раскошни бели здолништа комбинирани со црни корсети доминираа на ревијата.
Особено впечатливи беа долгите кожени ракавици кои ги носеше секоја „невеста“, а кои ѝ даваа на колекцијата посмел изглед. Чипката ја зачува елеганцијата во повеќето креации.
„Тоа е нов начин на којшто јас гледам на софистицираноста и сензуалноста“ – изјавила Ванг.
Погледнете ја ревијата:
