Сестрите Круз со години оставаат свој печат во светот на модата. Двете убавици креираа облека за швајцарскиот бренд Charles Vögele и соработуваа со Mango, а Пенелопе креираше накит и чанти за јапонскиот бренд Samantha Thavasa и се вклучи во промовирањето на Lindex.
Но, партнерството со Agent Provocateur е дефинитивно нивниот најсекси моден проект досега. Познатите сестри лансираа своја модна линија за долна облека – L'Agent. Првата колекција веќе е објавена и вклучува богата селекција на заводливи градници и комплети од чипка, сатен и свила кои ќе ја развиорат машката фантазија. Секое парче од колекцијата носи шпанско женско име.
Идејата за соработката била родена за време на снимањето на кампањата есен/зима 2012-2013 на Agent Provocateur со Моника Круз во главната улога.
