Роузи Хантингтон-Вајтли ја објави својата прва колекција долна облека. Убавата манекенка и актерка ја дизајнираше колекцијата „Rosie for Autograph“ во соработка со Marks&Spencer.
Со помош на луксузна свила и француска чипка, Роузи создаде облека која е одраз на раскошната елеганција на 20-тите години.
Потпирајќи се на своето искуство како манекенка, славниот ангел на Victoria’s Secret презентира модели кои го прикажуваат телото во најдобра светлина, а во исто време се комфорни.
„Мојата цел беше да креирам луксузна колекција која ќе ги задоволува жените од сите возрасти и големини, ќе инспирира самодоверба и ќе направи жените да се чувствуваат прекрасно во својата долна облека“ – изјавила Роузи за британскиот „Вог“.
