Ријана ја продлабочи својата соработка со Puma со нова колекција. Во улога на креативен директор на германскиот бренд, 28-годишната пејачка ги презентира своите нови креации на ревија која се одржа во рамките на Париската недела на модата.
На модното шоу, славната пејачка од Барбадос се појави во розови креации од својата колекција.
При креирањето на колекцијата за сезоната пролет/лето 2017, музичката ѕвезда се инспирираше од Марија Антоанета. „Дефинитивно е поразлична од првата колекција. Таа колекција намерно имаше многу потемни тонови. Според мене, пролетта треба да се чувствува како нешто свежо, иако јас нема сосема да престанам да носам црно. Големо влијание имаше француската култура од 18-тиот век, стилот од тоа време, а најмногу Марија Антоанета и Версајскиот дворец. Сакав да го помешам тоа со спортот. Сметав дека ќе биде предизвик, и беше. Но, јас уживав и се надевам дека луѓето ќе уживаат исто така“ – изјавила Ријана.
„Го избрав Париз бидејќи сакав луѓето да го почувствуваат целиот тон на новата колекција. Сакав да почувствуваат дека ова би го носела Марија Антоанета во фитнес сала или кога би играла тенис“ – рекла Ријана и признала дека уште поголем предизвик за неа било создавањето на колекцијата за мажи.
Дауцен Крус, Сара Сампајо и Џордан Дан од првиот ред ја следеа ревијата.
Во продолжение погледнете ја колекцијата на Ријана.
