Ријана ја презентира својата прва колекција за модниот бренд River Island. Популарната пејачка соработуваше со дизајнерот Адам Селман за колекцијата пролет/лето 2013, прикажана во Лондон.
Смелата колекција составена од 120 парчиња е наменета за дрските девојки, полни со индивидуалност. На 9-минутната презентација беа прикажани здолништа со висок шлиц, кратки маички кои го разголуваат стомакот, проѕирни фустани, деним креации инспирирани од стилот во 90-тите.
Модните експерти не се воодушевени од идејата Ријана да учествува на Лондонската модна недела, и покрај тоа што нејзината ревија не беше вклучена во официјалниот распоред. Многумина сметаат дека тоа му штети на угледот на модната манифестација, па критиките за ревијата варираа од „не разочара, но не се покажа како особено возбудлива“ до „хорор шоу“.
Погледнете ја целосната модна презентација:
Ова не е прв чекор на Ријана во светот на модата. Пред неколку сезони таа креираше мини колекција за Армани.
24-годишната ѕвезда веќе започна да работи на втора колекција за River Island.
