Модната империја на Џесика Симпсон откри профитабилна формула од која не се откажува. Модниот бренд на славната 32-годишна пејачка и телевизиска ѕвезда со едноставност и навремено прилагодување на актуелните трендови успева да придобива сè поголем број на клиентки.
Во новата колекција обувки на Џесика Симпсон доминираат чевлите на платформа, сандалите со повеќе ремчиња и сандалите со Т-ремче, но застапени се и модерните „Мери Џејн“ обувки со полна потпетица, ниските чизмички со проѕирни „отсечоци“, балетанките, моторките и класичните високи чизми на штикла.
