Ели Сааб ги освојува срцата на модерните хероини. Либанскиот дизајнер во Париз испрати армија манекенки кои од бестрашни воини се трансформираа во мистични нимфи.
Пистата на Сааб беше сместена сред дрвја со голи гранки. Манекенките влегоа во мистериозната шума моќно и смело со креации во војнички стил, но на крајот се сплотија со мајката природа и бликна нивната женственост и сензуалност.
Од една страна стојат строгите кроеви, типични за војничките униформи, а од друга, релаксираните силуети. Луксузни темнозелени, црвени и сини нијанси ја рушеа монотонијата на мрачната црна боја.
Ставајќи ја восхитувачката природа во срцето на колекцијата, Сааб со неа магично ќе ги претвора дамите во современи богињи.
Колекцијата есен/зима 2015 беше презентирана во рамките на Париската недела на модата.
