Модниот блог „Што носеше Али?“, кој е посветен на стилот на дотеран дедо, придобива сè поголем број на обожаватели.
Секој ден, точно во 9 часот и 5 минути, старец дотеран од глава до пети поминувал покрај работното место на австралиската фотографката Зое Спотон во Берлин. Неговото чувство за стил и елегантниот изглед ја шармирале доволно за да започне да го фотографира и да го документира неговиот избор на облека. Така се родил блогот „Што носеше Али?“.
Али е 83-годишен татко на 18 деца по потекло од Турција, кој 44 години живее во Берлин. Тој е пензиониран доктор, но сега работи како кројач, па најголем дел од костумите кои ги носи се негови креации.
Поради јазичната бариера, Зое и Али потешко комуницираат, но таа успеала со помош на Google да му објасни дека луѓето може да започнат да го препознаваат поради славата стекната на интернет.
Никогаш не е доцна за мода.
