Фотографот Ари Сет Коен ги обединува дамите кои не дозволуваат стареењето да ја згази нивната љубов кон модата и кои и покрај напредната возраст, продолжуваат да го негуваат својот уникатен стил.
Ари се инспирира од креативноста, ентузијазмот и позитивниот поглед кон животот на елегантните дами и ги „лови“ нивните стилски приказни, споделувајќи ги фотографиите на блогот „Advanced Style“.
„Окото секогаш ми го привлекувале постари личности. И од стилска гледна точка, тие ми се поинтересни, бидејќи се на возраст на која не треба да импресионираат никого и можат да носат што сакаат“ – вели тој.
Секоја од дамите со специфичен стил, која го пронајде своето место во богатото портфолио со колоритни фотографии на Коен, е на возраст помеѓу 60 и 102 години.
