Длабоки деколтеа, смели шлицови до колкови, проѕирни материјали и отсечоци... модата на црвениот тепих на MTV VMA се движеше околу границите на провокативноста и сексапилноста.
Бијонсе, како вистинска ѕвезда на вечерта, шармираше во две долги креации кои го прегрнуваа нејзиното тело. Џенифер Лопез блесна во фустан прекриен со кристали, Рита Ора привлекуваше погледи во црвен фустан од Дона Каран, додека Гвен Стефани се облече во креација од сопствениот моден бренд.
Кети Пери го „копираше“ фармерскиот фустан кој Бритни Спирс го носеше на MTV VMA пред 13 години, уште кога беше во врска со Џастин Тимберлејк.
Зухаир Мурад облече две дами – Бијонсе и Нина Добрев, а Оливие Рустен од Balmain ги дотера Ким Кардашијан и манекенките Џордан Дан, Џоан Смолс и Шанел Иман.
