Синоќа Стејплс центарот во Лос Анџелес беше најжешкото место на светот. Армија ѕвезди ја направи повозбудлива свечената манифестација на која беа наградени најдобрите во светот на музиката.
На црвениот тепих имаше многу изненадувања и големо разнообразие на стилови и бои. Ријана и црвената креација на Азедин Алаја украдоа најмногу погледи и позитивни коментари, но комплиментите не ги заобиколија ни другите ѕвезди. Се разбира, гласно се слушнаа и критиките.
Бијонсе изненади со црно-бела креација со панталони на Осман. Адел ги подели своите фанови со цветен фустан на Валентино – иако некои ѝ се воодушевија поради храброста, повеќето останаа со впечаток дека гласовитата пејачка имала многу подобри модни денови.
Џенифер Лопез не остана незабележана поради екстремно високиот шлиц на асиметричниот фустан на Антони Вакарело. Кети Пери избра тоалета во ментол боја на Гучи со која го истакна деколтето, додека Тејлор Свифт изгледаше како божица во бела тоалета на Џеј Мендел.
Кери Андервуд и Карли Реј Џепсен воодушевија со блескави фустани на Роберто Кавали. Доследна на својот стил, Флоренс Велч носеше зелен сјаен фустан на Живанши.
Оценете го модниот избор на ѕвездите на Греми:
