За Версаче ова е период на промени. Прво, Донатела Версаче го промени својот став од 2008 година во однос на модната соработка со H&M и реши да ги позајми своите дизајнерски способности за креирањето на заедничка есенска колекција, а сега, по петгодишно затишје, компанијата ја лансира првата реклама за парфемот Bright Crystal.
Рекламно лице на кампањата е познатиот ангел на Victoria’s Secret, Кендис Сванапул.
22-годишната манекенка позираше пред објективот на Марио Тестино, облечена во блескава тоалета, со раскошни локни и „зачадени“ мачкини очи, држејќи во рацете големо светечко шишенце со парфем.
Наскоро се очекува да се појави и видео реклама со сексапилната Кендис.
