Вчера изминаа точно 15 години од прикажувањето на првата епизода од хит-серијата „Sex and the City“. Една од опсесиите на главниот лик Кери Бредшо беа дизајнерските обувки. Па, Сара Џесика Паркер, која долги години ја популаризираше Бредшо на екраните, одлучи токму на „годишнината“ да објави дека креира своја колекција обувки.
„На блесав начин мислам дека луѓето го очекуваа токму тоа од мене, најмногу поради Кери Бредшо“ – изјавила Сара за Vogue.
При создавањето на обувките, 48-годишната актерка соработува со Џорџ Малкимас, CEO во дизајнерската куќа Маноло Бланик.
„Спојуваме нови бои заедно, што луѓето типично не го прават, прекрасни комбинации кои посакувате да постојат во вашиот плакар“ – објаснила Паркер.
Освен обувки, модната линија SJP ќе вклучува и чанти и неколку мантили. Првата колекција ќе биде лансирана на почетокот на наредната година.
